पाइलै पिच्छे पीडाले खेपिएको मेरो मन
मेरी आफ्नो भन्नेले नै हेपिएको मेरो मन
प्रकृतिमा उफ्रिएर फैलिएको बस्तीमा
साघुरिदै गएर चेपिएको मेरो मन
नदेखे झैँ गरे उनले नचिने झैँ गरेपछि
उनको बोलि सुनिएर रेटिएको मेरो मन
उनले हास्दै बाधिएर पराइको अंगालोमा
कुल्चिएर फ्याकिएर भेटिएको मेरो मन
बधिरन्छ घृणा अचेल थपिरन्छ पिडा
उनकै चिप्लो बोलीमा लेपिएको मेरो मन
पाइलै पिच्छे पीडाले खेपिएको मेरो मन
मेरी आफ्नो भन्नेले नै हेपिएको मेरो मन
0 comments:
Post a Comment